Cinsiyyət dodaqlarının böyüdülməsi

Cinsiyyət dodaqlarının strukturu və ölçüsü hər bir qadında fərqlidir. Cinsiyyət dodaqlarının elastikliyinin itməsi çox vaxt xarici cinsiyyət orqanlarının deformasiyasına səbəb olur. Buna görədə qadınlar partnyorlarının qarşısında utanclıq hissi keçirir və intim əlaqədən məmnuniyyət hissi almırlar. İntim orqanların kontur plastikası bir neçə problemi eyni anda aradan qaldırır: tibbi, estetik və psixoloji.

Prosedura göstərişlər

 

Cinsiyyət dodaqlarının tonusunun azalması, dərisinin büzüşmüş, sallaq halı (yaşla əlaqəli dəyişikliklər);

 

Aralığın müxtəlif etiologiyalı anomaliyaları;

 

Cinsiyyət dodaqlarının assimetriyası;

 

Xarici cinsiyyət orqanlarının deformasiyası;

 

Cinsi əlaqə zamanı hissiyyatın azalması və s.

Prosedurun gedişatı

Pasiyentə baxış keçirilir, konsultasiyadan, əks göstərişlərin istisnasından sonra, analizlər verilir və həkim prosedurun tətbiqinə başlayır. Müdaxilə nahiyyəsinə yerli ağrıkəsici yeridilir. Sonra birdəfəlik inyeksion iynəylə arzuolunan nahiyyələrə hialuron əsaslı dolğu yeridilir. Maddənin miqdarı individual olaraq təyin olunur – korreksiyanın məqsədi və həcminə görə.