Vaginoplastika

Vaginoplastika – cərrahi yolla vaginanın (uşaqlıq yolunun) həcmini kiçiltmək, elastikliyini və estetik görünüşünü bərpa etmək üçün icra olunan plastik əməliyyat növüdür. Yaş ötdükcə xanımlar oxşar problemlərlə üzləşirlər-cinsiyyət orqanının dərisi tündləşir, onun sağlam görünüşü isə pisləşir. Uşaqlıq yolunun vəziyyətinə hormonal sistemin pozulması və doğuş təsir göstərir. Bu kosmetik defektləri aradan qaldırmaq üçün müasir üsullardan istifadə olunur.

Əməliyyata göstərişlər

⦁    Doğuş zamanı yaranan travmalar (uşaqlıq yolunun divarlarının dartılması, cırılması və deşilməsi);
⦁    Uşaqlığın anadangəlmə qüsurları;
⦁    Yaşla bağlı dəyişikliklər (uşaqlığın sallanması, əzələ tonusunun azalması).

Əməliyyata hazırlıq

Əməliyyatdan öncə Ginekoloq Cərrah tərəfindən ginekoloji baxış keçirilir və əməliyyatın növü təyin edilir. Sonra aşağıda qeyd olunan analizlər verilir:

⦁    Yaxmanın analizi;
⦁    Qanın analizləri (ümumi, biokimyəvi, infeksiyalar və hepatitlər);
⦁    Sidiyin analizi;
⦁    Döş qəfəsinin rentgeni;
⦁    Kardioqramma;

Bütün bu prosedurlar əks göstərişləri aşkar etmək üçün aparılır.

⦁    Əməliyyat günü yemək və su içmək olmaz.

Əməliyyatın tarixi aybaşı siklinə əsasən hesablanır, ən optimal günlər menstruasiya sonrası günlər hesab edilir.

Əks göstərişlər

⦁    İnfeksiya;
⦁    İltihablaşma;
⦁    Qanın laxtalanmasının pozulması;
⦁    Xroniki xəstəliklərin kəskin fazası;
⦁    Xərçəng xəstəliyi;
⦁    Anti koaqulyantların istifadəsi;
⦁    Çapıqların əmələ gəlməsinə meyillilik;
⦁    Nevroloji xəstəliklər;
⦁    Ürək - damar xəstəliklər.

Əməliyyatın icrası

Uşaqlıq yolunun plastikasının 2 növü mövcuddur:

⦁    Pasientin toxumalarından istifadə (uşaqlıq yolunun ön divarının bərpası, girişinin daraldılması, çanaq diafraqmasının möhkəmləndirilməsi);
⦁    İmplantlardan istifadə (uşaqlıq yolunun divarlarının xüsusi torla fiksasiyası (sallanma və düşmə zamanı), hansı ki, maksimal üzunmüddətli nəticə verir.

Prosedur ümumi narkoz altında ortalama 1-2 saat davam edir. Sonda həkim tikişlər qoyur və pasienti stasionara yönləndirir.

Əməliyyatın mümkün olacaq ağırlaşmaları:

⦁    Şişkinliklər. 2 aydan sonra tamamilə keçir;
⦁    Dartılma tipli yüngül ağrılar. Normada 2-3 həftəyədək davam edir;
⦁    Göyərmələr. Böyüyüb, güclü ağrılara səbəb olursa, mütləq həkimə müraciət edilməlidir;

Vaginoplastikadan sonra tez sağalmaq üçün həkim məsləhətlərinə riayət edilməlidir:

⦁    Əməliyyatın ilk həftəsində tikişlər xüsusi antiseptiklərlə silinməlidir.
⦁    15 gün ərzində oturmaq qadağandır;
⦁    İdman 2 ay qadağandır;
⦁    1 il ərzində 5 kg-dan artıq çəki qaldırmaq olmaz.
⦁    2 ay ərzində pəhriz saxlanılmalıdır (köp yaradan qidalardan uzaq durmaq lazımdır);
⦁    Vaginal kontaktlardan 2 ay ərzində imtina edilməlidir.